香港TVB资讯台ChannelTVB
娛樂偵訊
陳庭欣當水泡
翟威廉搵32D劉晨芝慰藉
入行六年，口才身材俱佳的10年港姐冠軍陳庭欣，有同老闆殼王友好的阿叻撐住，終於在無綫彈出。事業有轉機，戀情亦有突破，一手擒住有米大狀唐偉倫（Warren），對拍拖多年，去年中傳分手的翟威廉又若即若離。痴心被當水泡，翟威廉決定另謀「出路」，近日密密搵亞洲版Beyonce、32D劉晨芝慰藉。
態度曖昧
即使被踢爆搭上有米大狀唐偉倫，睇完戲再到男方屋企過夜，不過陳庭欣為保形象，死撐二人只是朋友關係。前度做小三撬大狀，由男友降呢為好友後，仍心存希望的翟威廉十分厚道：「至緊要開心，佢（陳庭欣）咁大個人，冇理由要我俾意見。」
近年被陳庭欣當後備電的觀音兵翟威廉，明知女方對自己呼之則來，揮之則去，依然冇抗議，全因陳庭欣態度曖昧，不停給他希望。
「Toby（陳庭欣）都有同身邊朋友講過佢哋分開咗，不過唔想出嚟活動做騷冇話題，所以表面一直keep住好朋友關係，威廉就以為自己仲有機會，直至同Warren（有米大狀）單嘢爆咗出嚟，佢先醒覺同Toby唔可能復合。近排佢成日去搵Adrienne（劉晨芝）飲酒傾偈。其實舊年佢同Toby分手之後，都keep住有搵Adrienne訴苦。」知情者說。
玩自拍
笑唔停
冧爆
攬住去下場
互隊啤
餵食串燒餵食攬笑
有晚翟威廉又去了劉晨芝跟朋友夾份投資，位於中環蘭桂坊的韓國餐廳打躉，在近門口位置坐低後不久，就見低胸打扮的劉晨芝出現，二人邊隊啤邊密斟，飲了兩round啤酒，之後轉飲韓國燒酒。
其間，劉晨芝餵翟威廉食串燒，二人又攬又笑玩自拍，平日慣做陳庭欣觀音兵的翟威廉，有32D劉晨芝氹番，心情特別好。
飲到凌晨一點幾，二人撇甩身邊另一友人，攬住離開再轉場。
「知道Toby同個大狀一齊之後，威廉好冇心機，有時收咗工都會落去Adrienne間餐廳飲番杯先再返屋企。可能見得多，威廉近排明顯對Adrienne唔同咗，俾Toby拖咗咁耐，佢都應該放低，為自己打算吓，我哋都覺得，佢對Adrienne有意思。」知情者說。
隔幾日，他又到劉晨芝的韓國餐廳再慶祝，劉晨芝則未有入鏡。
翟威廉上月29號生日，陳庭欣孖住一班朋友替他食飯慶祝。
陳庭欣早前被拍到跟大狀Warren睇完戲，跟住再去對方屋企過夜。
娛圈蒲場百搭
曾經在美國樂壇發展的劉晨芝，結交不少名人，與萬人迷碧咸也認識。
現年33歲的劉晨芝，是美籍華裔歌手，07年推出的專輯《MagicTricks》，曾打入美國Billboard流行榜第七位，在美國樂壇有「亞洲版Beyonce」之稱，也是美國「格林美音樂獎」常客。
曾跟美國話題名媛ParisHilton的舊愛，美國樂隊GoodCharlotte成員BenjiMadden傳緋聞的她，13年被爆曾無辜捲入美國唱片公司老闆HenryJones，一宗四億元「種金」詐騙案，劉晨芝事後承認當年無知被利用，銀行戶口容他人存放廿萬美元涉案款項，及後她將涉款交還，冇受刑責。
近年轉戰香港的劉晨芝，曾跟莊思敏開時裝店，又與清洪契仔開夜場，是娛圈及蒲場百搭，也是樂基兒、傅明憲的閨密。
香港TVB资讯台ChannelTVB可以点原文看更多猛料，也可以畀台叔一颗充满爱的赞~
台叔扫一扫下载订阅号助手，用手机发文章赞赏
